Бесплатные бухгалтерские и налоговые услуги для предпринимателей Актюбинской области

Ақтөбе облысының кәсіпкерлеріне тегін бухгалтерлік және салықтық қызметтер, сондай-ақ заңгерлік кеңестер көрсетілуде, деп хабарлайды DKNews.kz.

Бұл қызметтерді алу үшін өңірлік «Атамекен» кәсіпкерлер палатасының базасында жұмыс істейтін Кәсіпкерлерге қызмет көрсету орталығына (КҚКО) жүгіну қажет. Орталықта кәсіпкерлер білікті заңгерден кеңес алып, салық немесе бухгалтерлік есепті тапсыра алады, сондай-ақ бизнес-жоспар жазуға көмек алады.

Кәсіпкерлерге қызмет көрсету орталығы он жылдан бері жұмыс істеп келеді. Кеңесшілер Ақтөбе облысының кәсіпкерлер палатасының аудандық филиалдарында да бар.

Осы жылдар ішінде кәсіпкерлерге 145 мыңнан астам консультация және 30 мыңға жуық сервистік қызмет көрсетілді. Бұл қызметтер кәсіпкерлердің бухгалтерлік есептерін тапсыру, бизнес-жоспарларды әзірлеу, рұқсат құжаттарын алу кезінде сүйемелдеу, келісімшарттарды дайындау және т.б. мәселелерді қамтиды.

«Өткен жылы Ақтөбе облысы филиалдарының КҚКО-да 3382 азаматқа 14 033 кеңес және 1053 кәсіпкерге 1231 сервистік қызмет көрсетілді. Сүйемелдеу нәтижесінде 360 кәсіпкерлік субъектісі ашылды, сондай-ақ 380 жұмыс істеп тұрған бизнес субъектісі әртүрлі қолдау құралдары аясында 4,4 млрд теңге сомасына жеңілдетілген қаржыландыру алды. Палата кеңесшілері көрсететін қызметтердің сұраныс деңгейі бойынша бизнес-жоспар жазу, сондай-ақ бухгалтерлік және салықтық есептілікті құрастыруға және тапсыруға көмек көрсетуді атап өтуге болады» Аймақтық кәсіпкерлер палатасы бөлімінің басшысы Ержан Нұрғалиев

Мысалы, өткен жылы палата кеңесшілері 466 кәсіпкердің есептілігін тапсырды, оның негізгі бөлігі – 910-нысан.

Сұраныс жоғары қызметтер тізімінде үшінші орында заңды мәселелер тұр.

«Орталық – тамаша! Мұнда жаңа бастаған кәсіпкерлерге шынымен көмектеседі. Мен бірінші рет келген жоқпын, бұрын өзім бизнес ашқанмын. Кейін жекелеген қызметтер бойынша жүгінгенмін. Қазір серіктесіммен сату саласында жаңа ЖШС ашып жатырмыз. Процедура небәрі 40 минутқа созылды. Өзіне-өзі қызмет көрсету аймағында менеджер сүйемелдеді. Кеңес, ашу, заңды нюанстарды түсіндіру бір жерде болғанда өте ыңғайлы. Бұл тұрғыда уақыт пен ақшаны үнемдеу өте зор. Кезексіз. Мен КҚКО мамандарына толығымен сенемін. Менің айналамда «Атамекен» қызметтері өте сұранысқа ие» Кәсіпкер Азамат

Естеріңізге сала кетейік, КҚКО қызметтерін g4b.kz порталы арқылы онлайн режимінде де алуға болады. Анықтама телефондары: +7(7132)744-615, 744-616. Ұлттық кәсіпкерлер палатасының колл-орталығы: 1432.